म्हणून वडिलांच्या मारेकऱ्यांना केलीय क्षमा; पहा नेमके काय म्हटलेय राहुल गांधींनी
चेन्नई :
पुद्दुचेरी येथे बोलताना काँग्रेस नेते राहुल गांधी यांनी पुन्हा एकदा राष्ट्रपिता महात्मा गांधी यांच्या प्रेम, दया, क्षमा आणि शांती या गुणांचा वापर आवश्यक असल्याचा संदेश दिला आहे. एका विद्यार्थ्याने त्यांचे वडील व दिवंगत पंतप्रधान राजीव यांच्या मृत्यूबद्दल प्रश्न विचारल्यावर त्यांनी त्यास उत्तर दिले.
लिट्टेने तुमच्या वडिलांची हत्या केली होती याबद्दलच्या तुमच्या भावना काय आहेत, असा प्रश्न त्यांना विचारण्यात आलेला होता. त्यावेळी त्यांनी ‘वडील राजीव गांधी यांची हत्या घडवणाऱ्यांना मी क्षमा केली आहे’, असे म्हटले.
एका महिला हल्लेखोराने २१ मे १९९१ रोजी एका प्रचार सभेत राजीव गांधी यांची चेन्नईजवळील श्रीपेरुंबुदूरमध्ये हत्या केली होती. त्यावेळी देशाला मोठा धक्का बसला होता. लिट्टे या दहशतवादी संघटनेचे हे कृत्य होते.
त्यावर राहुल गांधी यांनी म्हटले की, माझ्या मनात कोणाबद्दलही राग किंवा तिरस्काराची भावना नाही. मी माझ्या वडिलांना गमावले आहे. तो माझ्यासाठी अतिशय कठीण काळ होता. मला खूप दु:ख झाले, परंतु संताप आला नाही. हिंसाचार तुमचे काहीही हिरावून घेऊ शकत नाही. माझे वडील माझ्यात जिवंत आहेत. ते माझ्या माध्यमातून बोलत आहेत.
संपादन : सचिन पाटील
कृषीरंग | ताज्या बातम्यांसाठी फॉलो करा www.krushirang.com
| डेलीहंट | फेसबुक | जिओ न्यूज एक्स्प्रेस | गुगल न्यूज | AMP | ट्विटर | व्हाट्सऍप | टेलिग्राम | सिग्नल |
मो. 9503219649 | ईमेल : krushirang@gmail.com
- रोहित पवारांनी सांगितली राज्य सरकारची अपरिहार्यता; पहा नेमके काय म्हटलेय GST बाबत
- तौक्ते चक्रीवादळ अपडेट : जहाज बुडाले; तब्बल 130 जण अजूनही बेपत्ता, बचावकार्य चालू
- इस्त्रायल-पॅलेस्टाईन संघर्षात भारत कोणाच्या बाजूने..? भारताच्या भूमिकेबाबत जाणून घ्या..!
- स्टेट बँकेने ‘त्या’ महत्वाच्या मुद्द्याकडे वेधले मोदी सरकारचे लक्ष..!
- म्हणून रेशनवर मिळावी मोफत गॅस टाकी; पहा नेमकी काय मागणी आहे सेनेची