मिथुनदाच्या भेटीला थेट RSS चीफ; पश्चिम बंगाल निवडणुकीत नवा ट्विस्ट..?
मुंबई :
सुप्रसिद्ध अभिनेता मिथुन चक्रवर्ती यांच्या भेटीला थेट राष्ट्रीय स्वयंसेवक संघाचे प्रमुख मोहन भागवत गेलेले आहेत. पश्चिम बंगाल निवडणुकीत सत्ताधारी तृणमूल काँग्रेस पक्षाला चीत करण्यासाठी भाजपच्या मदतीला आता संघ सरसावाल्याची त्यामुळे चर्चा सुरू झालेली आहे.
मंगळवारी सकाळी मोहन भागवत हे मिथुन चक्रवर्ती यांना त्यांच्या मुंबई निवासस्थानी भेट देण्यासाठी आले होते. पश्चिम बंगालमधील निवडणुकांपूर्वी झालेल्या या बैठकीची बरीच चर्चा रंगली आहे.
मिथुन चक्रवर्ती भाजपमध्ये येऊ शकतात अशीही अटकळ आहे. याआधीही मिथुनबद्दल असे अहवाल आले आहेत. ऑक्टोबर 2019 मध्ये मोहन भागवत आणि मिथुन चक्रवर्ती यांची भेट झाली होती. नागपूरमधील कार्यालयात ही बैठक झाली होती.
मिथुन यांनी संस्थापक डॉ. हेडगेवार यांच्या पुतळ्यास पुष्प अर्पण केले होते. त्यावेळी अभिनेत्याने मोहन भागवत यांना मुंबईच्या अक्सा बीचमध्ये आपल्या घरी येण्याचे आमंत्रण दिले होते. त्याला आताच नेमका योग आल्याने ही चर्चा जोरात सुरू झालेली आहे.
मिथुन चक्रवर्ती तृणमूल कॉंग्रेसकडून पश्चिम बंगालमधील राज्यसभेचे खासदार राहिले आहेत. तब्येत बिघडल्यामुळे आणि सभागृहात सतत गैरहजर राहिल्यामुळे त्यांनी 2016 मध्ये राज्यसभेचा राजीनामा दिला होता.
काही काळापूर्वी मिथुन चक्रवर्ती आपल्या एका वेब सीरिजच्या शूटिंगसाठी मसूरीमध्ये होते. मसूरी येथे झालेल्या शूटिंगच्या वेळी त्यांची तब्येतही खालावली होती. त्यानंतर त्याला रुग्णालयात दाखल करावे लागले. होते.
नुकताच तो राम गोपाल वर्मा दिग्दर्शित ’12 ओ क्लॉक’ या हिंदी चित्रपटात फ्लोरा सैनी, मानव कौल, मकरंद देशपांडे आणि कृष्णा गौतम यांच्या समवेत दिसला. मिथुन विवेक अग्निहोत्री दिग्दर्शित ‘द काश्मीर फाइल्स’ चित्रपटामध्ये मिथुन पल्लवी जोशी, अनुपम खेर आणि पुनीत इस्सार यांच्यासमवेत दिसणार आहे.
संपादन : सचिन चोभे
कृषीरंग | ताज्या बातम्यांसाठी फॉलो करा www.krushirang.com
| डेलीहंट | फेसबुक | जिओ न्यूज एक्स्प्रेस | गुगल न्यूज | AMP | ट्विटर | व्हाट्सऍप | टेलिग्राम | सिग्नल |
मो. 9503219649 | ईमेल : krushirang@gmail.com
- पाकिस्तानने तालिबानलाही दिलाय धोका; अफगाणी नागरिकांना ‘असा’ देतोय त्रास
- मोदी सरकार ऐकत नाही; राकेश टिकैत यांनी थेट अमेरिकेचे राष्ट्राध्यक्ष बायडेन यांच्याकडे केली ‘ही’ मागणी
- .. ‘त्या’ मुळे देशात खाद्यतेलांच्या किंमती होतील कमी; पहा, तज्ज्ञांनी काय सांगितली कारणे
- सोने-चांदीचे मार्केट डाऊन; दर कमी होण्याचा ट्रेंड आजही कायम; पहा, आज काय आहेत नवीन भाव
- ॲम्ब्युलन्सवरील सायरनचा आवाज बदलणार, नितीन गडकरींची मोठी घोषणा..