ब्रेकिंग : ग्रेटा टूलकिटप्रकरणी एक अटकेत; पहा नेमकी कोण आहे दिशा रवी
दिल्ली :
आंतरराष्ट्रीय पर्यावरण कार्यकर्ता ग्रेटा थनबर्ग हिने ट्विटरवर शेतकरी आंदोलनाशी संबंधित लिहिल्यानंतर जगभरात शेतकरी आंदोलन जोरदार चर्चेत आलेले होते. त्याच्या टूलकिट प्रकरणात दिल्ली पोलिसांनी कारवाई करताना पहिली अटक केली आहे. दिशा रवी असे अटक झालेल्या तरुणीचे नाव असून ती बंगलोरची रहिवासी आहे.
२१ वर्षीय दिशा रवी ही मूळची बंगलोरची रहिवासी आहे. ती पर्यावरण चळवळीतील एक तरुण कार्यकर्ती असून, ‘फ्रायडेज फॉर फ्युचर’ या संघटनेच्या संस्थापक सदस्यांपैकी एक आहे. ती माऊंट कार्मेल या प्रतिष्ठित महाविद्यालयाची विद्यार्थिनी असून तिने हे टूलकिट एडिट करून प्रसारित केल्याचा संशय आहे.
३ फेब्रुवारी रोजी पर्यावरण कार्यकर्ती ग्रेटा हिने शेतकरी आंदोलन विषयी ट्विट केले असून नंतर चुकून तिने हे टूलकिट आपल्या ट्विटरवर टाकले होते. नंतर हे टूलकिट डिलीट करण्यात आले असले तरीही या टूलकिट मधल्या अनेक आक्षेपार्ह गोष्टी लक्षात घेऊनच या प्रकरणात पोलिसांनी गुन्हा दाखल केला आहे. या टूलकिट प्रकरणाच्या तपासात गूगल दिल्ली पोलिसांचे सहकार्य करणार आहे.
ग्रेटा थनबर्ग हिने ट्विटरवर अनवधानाने शेअर केलेल्या टूलकिटवरून दिल्ली पोलिसांनी ४ फेब्रुवारी रोजी गुन्हा दाखल केला होता. याच प्रकरणात आता अटकसत्र सुरु झाले असून दिशा रवी या पहिल्या आरोपीला पोलिसांनी अटक केली आहे. २६ जानेवारी रोजी दिल्ली येथे झालेल्या हिंसाचाराचा आणि या टूलकिटचा संबंध असण्याची शक्यता आहे.
कृषीरंग | ताज्या बातम्यांसाठी फॉलो करा www.krushirang.com
| डेलीहंट | फेसबुक | जिओ न्यूज एक्स्प्रेस | गुगल न्यूज | AMP | ट्विटर | व्हाट्सऍप | टेलिग्राम | सिग्नल |
मो. 9503219649 | ईमेल : krushirang@gmail.com
- रोहित पवारांनी सांगितली राज्य सरकारची अपरिहार्यता; पहा नेमके काय म्हटलेय GST बाबत
- तौक्ते चक्रीवादळ अपडेट : जहाज बुडाले; तब्बल 130 जण अजूनही बेपत्ता, बचावकार्य चालू
- इस्त्रायल-पॅलेस्टाईन संघर्षात भारत कोणाच्या बाजूने..? भारताच्या भूमिकेबाबत जाणून घ्या..!
- स्टेट बँकेने ‘त्या’ महत्वाच्या मुद्द्याकडे वेधले मोदी सरकारचे लक्ष..!
- म्हणून रेशनवर मिळावी मोफत गॅस टाकी; पहा नेमकी काय मागणी आहे सेनेची