मोदी सरकारने केली कीटकनाशके महाग; व्हॅटपेक्षाही जीएसटी लावला दणक्यात..!

दिल्ली :

पंतप्रधान नरेंद्र मोदी यांच्या कार्यकाळात देशाच्या विकासाचे आकडे दोलायमान होताना दिसतात. त्याचवेळी त्यांच्या कार्यकाळात व्हॅट जाऊन जीएसटी लावण्यात आला. त्यानंतरही पेट्रोलप्रमाणेच शेतीसाठी लागणाऱ्या कीटकनाशक आणि अनेक निविष्ठांवर दणक्यात कर आकारणी चालू आहे.

खतांवर पाच टक्के जीएसटी असतानाच कीटकनाशकांवर मात्र १८ टक्के दराने जीएसटी आकाराला जात आहे. हे जीएसटी लागू होण्याआधी लावलेल्या व्हॅटपेक्षाही (१२%) जास्त आहे. 

मात्र, आता कुठे सरकारमधील एका विभागाला याची जाणीव झालेली आहे. त्यानुसार त्यांनी आता रसायन आणि पेट्रोकेमिकल्स विभागाने खतांसह कीटकनाशकांवरील जीएसटी दर सध्याच्या १८ टक्क्यांवरून घटून ५ टक्के करण्याची विनंती केली आहे.

रसायन आणि खतावर स्थापन स्थायी समितीने संसदेत सादर केलेल्या अहवालात कृषी संबंधित सामग्रींवर कराच्या असमानतेवर नाराजी व्यक्त केली आहे. कीटकनाशकांवर जीएसटी दर कमी केला जाऊ शकेल यासाठी समितीने रसायन आणि खत विभागाने या प्रकरणात तत्काळ कार्यवाही करण्यास सांगितले होते.

स्थायी समितीने आपल्या अहवालात नमूद केले की, कीटकनाशकांवरील जीएसटी १८ टक्क्यांपर्यंत वाढला आहे. खतांवर हा केवळ ५ टक्के आहे. जवळपास ९०,००० कोटी रुपयांचे पीक कीटकांमुळे दरवर्षी नष्ट होते. कीटकनाशकही कृषीशी संबंधित सामग्री आहे, त्यामुळे कीटकनाशकांवर जीएसटीचा दर सध्याच्या १८ वरून घटवून ५ टक्के केला पाहिजे. यामुळे शेतकऱ्यांना फायदा हाऊ शकेल आणि कृषी उत्पादनात वाढ होऊ शकेल.

संपादन : सचिन पाटील

कृषीरंग | ताज्या बातम्यांसाठी फॉलो करा www.krushirang.com

| डेलीहंट | फेसबुक | जिओ न्यूज एक्स्प्रेस | गुगल न्यूज | AMP | ट्विटर | व्हाट्सऍप | टेलिग्राम | सिग्नल | 

मो. 9503219649 | ईमेल : krushirang@gmail.com

• दुर्मिळ नाणी, नोटांच्या खरेदी-विक्रीच्या जाळ्यात अडकू नका, पाहा रिझर्व्ह बॅंकेने काय इशारा दिलाय..?
• बाबा रामदेव सुरु करणार नवा व्यवसाय, शेतकऱ्यांचा होणार मोठा फायदा, कसा तो तुम्हीच पाहा..?
• शेअर बाजारात तेजी परतली..! सेन्सेक्स-निप्टीची घोडदौड सुरु, बाजारातील स्थिती जाणून घेण्यासाठी वाचा..!
• ब्लॉग : ‘तसल्या’ राजकारणातला अपवाद म्हणजे फायरब्रँड नेते जितेंद्र आव्हाड..!
• राणेंनी शिवसेनेवर केलाय ‘तो’ गंभीर आरोप; पहा कशाबाबत केलीय त्यांनी सेनेवर टीका