श्रीगोंदा कारखान्यातून दिले ‘सांगली-परभणी’चे पगार; नागवडे यांच्यावर मगर यांनी केले गंभीर आरोप

अहमदनगर :

जिल्ह्यातील एक जबाबदार कारखाना म्हणून ओळख असलेल्या श्रीगोंदा येथील शिवाजीराव नागवडे सहकारी साखर कारखान्याचे पैसे थेट खासगी कारखान्यातील पगार देण्यासाठी वापरल्याचा गंभीर आणि धक्कादायक आरोप कारखान्याचे उपाध्यक्ष केशव मगर यांनी केला आहे.

नागवडे कारखान्याच्या बैठकीत बोलताना मगर यांनी अध्यक्ष राजेंद्र नागवडे यांच्या कार्यपद्धतीवर गंभीर प्रश्न केले आहेत. यावेळी काँग्रेसचे तालुकाध्यक्ष दीपक भोसले, जिल्हा परिषदेचे माजी उपाध्यक्ष अण्णासाहेब शेलार, जिल्हा बँकचे संचालक दत्तात्रय पानसरे, टिळक भोस यांनीही मनोगत व्यक्त केले. यावेळी पंचायत समिती सदस्य जिजाबापू शिंदे, संजय जामदार, प्रा. तुकाराम दरेकर, लक्ष्मण नलगे, अॅड. बाळासाहेब काकडे आदींसह नागवडे कारखान्याचे सभासद उपस्थित होते.

मगर यांनी म्हटले आहे की, मागील वर्षी तालुक्यात ऊस असतानाही सहकारी साखर कारखाना बंद ठेवून अध्यक्ष राजेंद्र नागवडे यांनी स्वतःच्या मालकीच्या सांगली व परभणी जिल्ह्यातील खासगी कारखान्याला श्रीगोंदे कारखान्यातून पगार दिला. याची चौकशी झाली पाहिजे.

तसेच ते पुढे म्हणाले की, कारखान्याचे सभासद व सेवा संस्थेच्या प्रतिनिधींना निवडणुकीपासून वंचित ठेवण्याचा कुटिल डाव अध्यक्ष राजेंद्र नागवडे यांचा असून साखर सहसंचालकाकडे याविरोधात दाद मागितली आहे. तेथे न्याय न मिळाल्यास उच्च न्यायालयात दाद मागू.

कारखान्याच्या निवडणुकीचे पडघम वाजू लागले आहेत. कारखान्याचे सभासद व सेवा संस्थेच्या प्रतिनिधींची मढेवडगाव येथे माजी उपाध्यक्ष जिजाबापू शिंदे यांच्या निवासस्थानी आयोजित बैठकीत मगर बोलत होते.

संपादन : सचिन पाटील  

कृषीरंग | ताज्या बातम्यांसाठी फॉलो करा www.krushirang.com

| डेलीहंट | फेसबुक | जिओ न्यूज एक्स्प्रेस | गुगल न्यूज | AMP | ट्विटर | व्हाट्सऍप | टेलिग्राम | सिग्नल | 

मो. 9503219649 | ईमेल : krushirang@gmail.com

• IMP : लसदुष्परिणाम दिसल्यास अशी करा तातडीने नोंदणी; देशहितासाठी आहे महत्वाचे
• भारत बायोटेकला झटका; अमेरिकेने नाकारली कोव्हॅक्सिनच्या आपत्कालीन वापरास मान्यता
• चीनने केला होता ‘तो’ही गोंधळ; पहा व्यापाराच्या नावाखाली करोनाच्या अगोदरच काय करून ठेवले होते ते
• म्हणून देशभरात होणार आहे ‘ते’ सर्वेक्षण; पहा नेमके काय नियोजन केलेय केंद्र सरकारने
• ‘त्ये’ काही गाढव नाहीत; पहा पाकिस्तानमध्ये का फोफावतोय गाढवांचा व्यापार, वाचा महत्वाचे कारण काय ते