भारत-चीन तनाव : लडाखमधील सर्वात मोठी बातमी; अखेर ‘तेच’ घडले
दिल्ली :
चीनच्या संरक्षण मंत्रालयाने बुधवारी घोषणा केली की, पूर्व लडाखमधील पांगोंग (Pangong) तलावाच्या दक्षिण आणि उत्तरेकडील सीमा सैन्याने माघार घेणे सुरू केले आहे. चीनच्या राष्ट्रीय संरक्षण मंत्रालयाचे प्रवक्ते ज्येष्ठ कर्नल वू कियान यांनी चीनच्या अधिकृत माध्यमाला दिलेल्या या माहितीवर भारताने अजून कोणताही प्रतिसाद दिलेला नाही.
वू कियान यांनी एका दिलेल्या निवेदनात म्हटले आहे की, पॅनगॉन्ग त्सो(Pangong Tso) तलावाच्या उत्तर आणि दक्षिण टोकाच्या सीमेच्या तुकडय़ांनी 10 फेब्रुवारीपासून नियोजित माघार सुरू केली आहे. निवेदनात असेही म्हटले आहे की, दोन्ही बाजूंच्या चीन-भारतीय सैन्याच्या कमांडर स्तराच्या 9 व्या बैठकीच्या झालेल्या सहमतीनुसार हे पाऊल उचलण्यात आले आहे.
गेल्या वर्षीच्या मे महिन्यापासून चीन आणि भारत यांच्या सैन्यात तणाव आहे. हा तंटा सोडविण्यासाठी दोन्ही देशांनी अनेक राजकीय आणि लष्करी बैठका घेतल्या होत्या. 24 जानेवारी रोजी, चीन-भारत लष्कर कमांडर स्तराची नववी फेरी मोल्दो-चुशुल( Moldo-Chushul) या बॉर्डर मीटिंग प्वॉइंटला झाली.
गेल्या वर्षी 15 जून रोजी लडाखच्या गालवान खोर्‍यात भारतीय आणि चिनी सैन्यांदरम्यान हिंसक चकमक झाली होती. यात भारताचे 20 सैनिक शहीद झाले. अनेक जखमीही झाले. हा हल्ला चिनी सैनिकांनी दगड, काठ्या आणि धारदार शस्त्रे करून केला. या वादाची सुरुवात चीनकडून झाली होती. भारतीय सैन्य अधिकारी गॅलवान व्हॅलीमधील पीपी -14 येथे त्या चमूसमवेत पोचले, जिथून चिनी सैन्याने माघार घ्यायला पाहिजे होती.
त्यावेळी चिनी सैनिकांची संख्या फारच कमी होती. मात्र अचानक तेथे मोठ्या संख्येने चिनी सैनिक आले. भारतीय अधिकारी आणि 2 सैनिकांवर दगड आणि लोखंडी रॉडने हल्ला केला. त्यानंतर मोठ्या संख्येने भारतीय सैनिकही त्या ठिकाणी पोहोचले आणि हिंसक चकमकी मध्यरात्रीपर्यंत सुरू राहिल्या.
संपादन : स्वप्नील पवार
कृषीरंग | ताज्या बातम्यांसाठी फॉलो करा www.krushirang.com
| डेलीहंट | फेसबुक | जिओ न्यूज एक्स्प्रेस | गुगल न्यूज | AMP | ट्विटर | व्हाट्सऍप | टेलिग्राम | सिग्नल |
मो. 9503219649
ईमेल : krushirang@gmail.com
- IMP : लसदुष्परिणाम दिसल्यास अशी करा तातडीने नोंदणी; देशहितासाठी आहे महत्वाचे
- भारत बायोटेकला झटका; अमेरिकेने नाकारली कोव्हॅक्सिनच्या आपत्कालीन वापरास मान्यता
- चीनने केला होता ‘तो’ही गोंधळ; पहा व्यापाराच्या नावाखाली करोनाच्या अगोदरच काय करून ठेवले होते ते
- म्हणून देशभरात होणार आहे ‘ते’ सर्वेक्षण; पहा नेमके काय नियोजन केलेय केंद्र सरकारने
- ‘त्ये’ काही गाढव नाहीत; पहा पाकिस्तानमध्ये का फोफावतोय गाढवांचा व्यापार, वाचा महत्वाचे कारण काय ते