अजित पवार – बच्चू कडू यांच्यात जुंपली; भरसभेत ‘त्यावरून’ झाला वाद

By Vinod Suryavanshi Last updated Feb 9, 2021

अमरावती :

उपमुख्यमंत्री अजित पवार हे स्पष्ट आणि परखड बोलण्यासाठी प्रसिद्ध आहेत, हे अवघा महाराष्ट्र जाणतो. त्यांच्या या फटकळ स्वभावाचा फटकाही त्यांना आजवर बसला आहे. प्रहार संघटनेचे अध्यक्ष आणि आमदार बच्चू कडू हेही आपणा सर्वांना आक्रमक आणि कणखर स्वभावामुळे परिचित आहेत. या दोघांची भरसभेत शाब्दिक वादावादी सुरू झाली तर, असे मनात आणले तरी अंगावर काटा उभा राहतो.

असाच एक प्रसंग अमरावतीमध्ये घडला. सध्या पवार आणि कडू हे दोघेही महाविकास आघाडी सरकारचे प्रतींनिधी आहेत. या दोन्हीही नेत्यांमध्ये भर सभेतच शाब्दिक चकमक झाली. अमरावती जिल्हाधिकारी कार्यालयातील नियोजन भवनात अमरावती विभागाच्या वार्षिक नियोजनाची बैठक सोमवारी आयोजित करण्यात आली होती. या बैठकीत अजित पवार आणि बच्चू कडू यांच्यात तू तू मै मै झाली.

कशावरुन झाला वाद :-

लोकप्रतिनिधींच्या मागणीनुसार अमरावती जिल्ह्यायासाठी ३०० कोटी रुपयांची तरतूद करण्यात आली. मात्र हा निधी कमी असून विदर्भाचा अनुशेष भरून निघावा यासाठी बैठकीत या दोन नेत्यांमध्ये वाद पेटला.

काय म्हणाले कडू :-

राज्यातील सरकारचा मी एक भाग असल्याने या बाबत काही बोलू शकत नाही मात्र विदर्भाचा अनुशेष भरून निघावा यासाठीच आपण अधिक निधीची मागणी केली होती. ही मागणी असताना निधी मात्र वाढवून देण्यात आला नाही. निधी वाढवण्यासाठी आम्ही नक्कीच प्रयत्न करू.

संपादन : स्वप्नील पवार

कृषीरंग | ताज्या बातम्यांसाठी फॉलो करा www.krushirang.com

मो. 9503219649

ईमेल : krushirang@gmail.com

अजित पवार – बच्चू कडू यांच्यात जुंपली; भरसभेत ‘त्यावरून’ झाला वाद

Leave a Reply Cancel reply