भाजपला पाहिजेत फ़क़्त ‘होयबा’; प्रल्हाद मोदी यांची पक्षावर घणाघाती टीका
अहमदाबाद :
पंतप्रधान नरेंद्र मोदी यांचे बंधू प्रल्हाद मोदी हे सध्या आक्रमक मूडमध्ये आहेत. अहमदाबाद येथील निवडणुकीत पक्षाने उमेदवारी न दिल्याने त्यांनी मोदींच्या कौटुंबिक वागण्याबद्दल आणि अमित शाह व इतर नेत्यांना वेगळे ट्रीट केल्याचा मुद्दा मांडला आहे. त्यांनी पक्षाला आश्वासक नेतृत्व नकोय, तर होयबा पाहिजेत असा आरोप केला आहे.
बीबीसी माध्यम समूहाने घेतलेल्या मुलाखतीत प्रल्हाद मोदी यांनी म्हटले आहे की, पक्षपातीपणाचा मुद्दा पुढे करून ते तरुण कार्यकर्त्यांना महत्त्वाच्या जबाबदाऱ्यांपासून दूर ठेवू इच्छितात. त्यांना फक्त ‘होयबा’ हवे आहेत. हे अगदी स्पष्ट आहे. माझी मुलगी नरेंद्र मोदी यांची पुतणी आहे, म्हणून नव्हे तर एक आश्वासक नेता होण्याची तिची पात्रता असेल आणि विजयाची आशा असेल तर पक्षाने तिला तिकीट द्यायला हवं, असं माझं स्पष्ट म्हणणं आहे. नरेंद्र मोदी यांचे नातवाईक असल्याचा फायदा तिलाही घ्यायचा नाही आणि मलाही नाही.
तसेच त्यांनी पुढे म्हटले आहे की, केंद्रीय गृहमंत्री अमित शहा यांचे चिरंजीव जय शहा यांचं माझ्या आकलनानुसार क्रिकेटमध्ये कसलंही योगदान नसताना आणि त्यांनी क्रीडा क्षेत्रात काही कामगिरी बजावल्याचं कुठेही छापून आलेलं नसताना त्यांना क्रिकेट कंट्रोल बोर्डाची जबाबदारी देता येते. ते सरकारसाठी उपयोगी आहेत, यासाठी त्यांच्याकडे कोणती पात्रता आहे? आणि तरीही त्यांना भाजपमधून किंवा इतर कुणाकडून सातत्याने पाठिंबा मिळतो आहे. ते जर बीसीसीआयचे (बोर्ड ऑफ कंट्रोल फॉर क्रिकेट इन इंडिया) सचिव होऊ शकतात तर याचा अर्थ पक्षाचं वागणं दुटप्पी आहे.
भाऊ नरेंद्र मोदी यांच्याबद्दल त्यांनी म्हटले आहे की, नरेंद्र भाई येतात आणि आईला भेटतात तेव्हा तिथे कुटुंबातलं छोटं मुलही नसतं. हा तुम्हाला अन्याय वाटत नाही का? ते पंकज निवासमध्ये जातात कारण तिथे आई आहे. पण, ते येतात तेव्हा तिथे कुटुंबातलं इतर कुणीच नसतं, असं का? आईसोबत बसायची परवानगी फक्त नरेंद्र भाईंना आहे. मला वाटतं की फोटोत गर्दी होऊ नये, यासाठी ते असावं. किंवा मग मी घर सोडलं आहे. त्यामुळे आता कुटुंबीयांची गरज नाही, असं नरेंद्र भाईंना वाटत असावं आणि त्यामुळे फोटोंमध्ये इतर कुटुंबीय दिसत नसावे. हे सगळं नरेंद्र भाई काय विचार करतात, यावर आहे. आम्ही कामगार वर्गातले लोक आहोत. आमचा भाऊ आज देशाचा पंतप्रधान झालाय, ही आमच्यासाठी मोठी अभिमानाची बाब आहे. मात्र, आम्ही कधीची काही मिळवण्यासाठी त्यांच्या फोटोचा वापर केलेला नाही आणि भविष्यातही तसं करणार नाही.
एकूणच यामुळे गुजरात भाजपसमोर मोठा पेच निर्माण झालेला आहे. अशावेळी यातून कोणता तोडगा निघतो याकडे देशाचे लक्ष लागलेले आहे.
संपादन : संतोष वाघ
कृषीरंग | ताज्या बातम्यांसाठी फॉलो करा www.krushirang.com
| डेलीहंट | फेसबुक | जिओ न्यूज एक्स्प्रेस | गुगल न्यूज | AMP | ट्विटर | व्हाट्सऍप | टेलिग्राम | सिग्नल |
मो. 9503219649 | ईमेल : krushirang@gmail.com
- IMP : लसदुष्परिणाम दिसल्यास अशी करा तातडीने नोंदणी; देशहितासाठी आहे महत्वाचे
- भारत बायोटेकला झटका; अमेरिकेने नाकारली कोव्हॅक्सिनच्या आपत्कालीन वापरास मान्यता
- चीनने केला होता ‘तो’ही गोंधळ; पहा व्यापाराच्या नावाखाली करोनाच्या अगोदरच काय करून ठेवले होते ते
- म्हणून देशभरात होणार आहे ‘ते’ सर्वेक्षण; पहा नेमके काय नियोजन केलेय केंद्र सरकारने
- ‘त्ये’ काही गाढव नाहीत; पहा पाकिस्तानमध्ये का फोफावतोय गाढवांचा व्यापार, वाचा महत्वाचे कारण काय ते