आधी बदलला झेंडा; आता ‘या’ प्रकारे हिंदुत्वाच्या दिशेने मनसेचे थेट पाऊल
मुंबई :
राजकरणात व्यक्तींच्या आणि पक्षाच्या भूमिका बदलत असतात. जिथे संधी सापडेल तिथे राजकीय व्यक्ती किंवा पुढारी संधीचा फायदा घेत असतात. महाविकास आघाडी स्थापन झाल्यापासून शिवसेनेची भूमिका दिवसेंदिवस सेक्युलर होत चालली असल्याची ओरड हिंदुत्ववादी करत आहेत. आणि हिंदुत्ववादाची हीच पोकळी भरून काढण्याचा प्रयत्न मनसेने करण्याचे ठरविले आहे, असे दिसत आहे.
आधी मराठीच्या मुद्द्यावर मनसेने राजकारण केले मात्र त्याला बंधने आली. मुंबई, पुणे, ठाणे, नाशिक अशा काही मोजक्या ठिकाणीच या मुद्द्याला गांभीर्याने घेतले गेले. नंतर मनसेला कोणती भूमिका घेऊन पुढे जायचे, हे आजवरही लक्षात आलेले नाही, असे वरवर दिसते. आत अशातच मनसे अध्यक्ष राज ठाकरे हे अयोध्या दौरा करणार आहेत. येत्या १ ते ९ मार्च दरम्यान ते अयोध्येला जाणार असून श्रीरामाचं दर्शन घेणार आहेत.
एकूणच मनसेचा मूड बघता मनसे हिंदुत्वाच्या वाटेने जात आहे, असे म्हटल्यास वावगे ठरणार नाही. मुंबई महापालिकेच्या निवडणुका आता काही दिवसांवर येऊन ठेपलेल्या आहेत. अशातच भाजपच्या एका बड्या नेत्याने राज ठाकरे यांची भेट घेतली आहे. त्यामुळे भाजप आणि मनसे या निवडणुकीसाठी एकत्र येऊ शकते.
दोन वर्षांपूर्वी पक्षाचा झेंडा बदलून हिंदुत्वाच्या दिशेनं वाटचाल करण्याचे संकेत दिल्यानंतर राज यांचा अयोध्या दौरा आणि भाजप नेत्याची भेट, हे सर्व राज यांची दिशा ठरवणारे आहे. त्यांचा ओघ कोणत्या दिशेने आहे, हे दिसून येत असल्याने मनसे समर्थक आता त्यांच्या पाठीशी राहणार का? सातत्याने मोदींवर टीका करूनही त्यांच्या पक्षाशी मिळतीजुळती भूमिका किंवा त्यांच्या पक्षाशी युती केल्यास किती कार्यकर्त्यांना रुचेल, हासुद्धा प्रश्न आहेच.
संपादन : विनोदकुमार सूर्यवंशी
कृषीरंग | ताज्या बातम्यांसाठी फॉलो करा www.krushirang.com
| वेबसाईट | फेसबुक पेज | जिओ न्यूज एक्स्प्रेस | गुगल न्यूज | AMP | ट्विटर | व्हाट्सऍप | टेलिग्राम | सिग्नल |
मो. 9503219649
ईमेल : krushirang@gmail.com
- राज्य सरकारला मोठा झटका; निवडणूक आयोगाने दिले प्रत्युत्तर, OBC चा मुद्दा आणखी तापणार
- मोदी सरकार व भाजपची ‘ती’ चूक नडली? OBC आरक्षणावर काँग्रेसने केलाय मोठा आरोप
- आहात ना तयार..? येणार आहे मुसळधार पाऊस; पहा हवामान विभागाचा अंदाज काय तो
- आषाढी वारीनिमित्त भजन संगीत स्पर्धा; मिळणार दणक्यात बक्षिसेही, वाचा महत्वाची माहिती
- बाब्बो.. मग लुबाडणूकच की..! पहा सरकारी यंत्रणेने कसा घातलाय सामान्यांना हजारो कोटींचा गंडा..?