‘म्हणून देश शांत, नाहीतर पेटून उठला असता..’; पहा राहुल गांधींनी नेमके काय म्हटलेय

दिल्ली :

पंतप्रधान नरेंद्र मोदी सरकारने लागू केलेल्या कृषी सुधारणा कायद्यावरून सुरू असलेले आंदोलन आता काहीसे शांत झालेले आहे. अशावेळी पुन्हा एकदा हे कायदे शेतकरी विरोधी असल्याने मागे घेण्याची मागणी काँग्रेस नेते राहुल गांधी यांनी केली आहे.

केरळ राज्यातील वायनाड येथे सध्या राहुल गांधी दौऱ्यावर आहेत. तिथे त्यांनी मोदी सरकारच्या एकूण कार्यपद्धतीवर प्रश्न उपस्थित केले आहेत. त्यांनी म्हटले आहे की, देशातील बहुतांश शेतकऱ्यांना कृषी कायद्यांची माहिती नाही. अन्यथा सगळा देश पेटून उठेल.

देशभरातील बहुतेक शेतकऱ्यांना केंद्रीय कृषी कायदे, या कायद्यातील तरतुदी, कायद्यातील नियम यांविषयीची माहिती नाही. संपूर्ण देशातील शेतकऱ्यांना त्याची नीट माहिती झाली, तर देशात मोठे आंदोलन होईल. सगळा देश पेटून उठेल, असा दावा करताना त्यांनी मोदी सरकारच्या धोरणांचा समाचार घेतला आहे.

केंद्र सरकारने नवीन कृषी कायदे रद्द करावेत, अशी मागणी करतानाच त्यांनी देशातील सद्य परिस्थिती तुम्ही सर्वजण जाणून आहात. केवळ दोन ते तीन बड्या उद्योगपतींच्या हितासाठी पंतप्रधान नरेंद्र मोदी काम करत आहेत. प्रत्येक उद्योगावर तीन ते चार उद्योगपतींचा एकाधिकार आहे, असा आरोप राहुल गांधी यांनी केला आहे.

संपादन : सचिन मोहन चोभे

कृषीरंग | ताज्या बातम्यांसाठी फॉलो करा www.krushirang.com

| वेबसाईट | फेसबुक पेज | जिओ न्यूज एक्स्प्रेस | गुगल न्यूज | AMP | ट्विटर | व्हाट्सऍप | टेलिग्राम | सिग्नल | 

मो. 9503219649 | ईमेल : krushirang@gmail.com

• IMP : लसदुष्परिणाम दिसल्यास अशी करा तातडीने नोंदणी; देशहितासाठी आहे महत्वाचे
• भारत बायोटेकला झटका; अमेरिकेने नाकारली कोव्हॅक्सिनच्या आपत्कालीन वापरास मान्यता
• चीनने केला होता ‘तो’ही गोंधळ; पहा व्यापाराच्या नावाखाली करोनाच्या अगोदरच काय करून ठेवले होते ते
• म्हणून देशभरात होणार आहे ‘ते’ सर्वेक्षण; पहा नेमके काय नियोजन केलेय केंद्र सरकारने
• ‘त्ये’ काही गाढव नाहीत; पहा पाकिस्तानमध्ये का फोफावतोय गाढवांचा व्यापार, वाचा महत्वाचे कारण काय ते