राणेंचा अभ्यास कच्चा; पहा नेमक्या कोणत्या मुद्द्यावर रोहित पवारांनी म्हटलेय असे
अहमदनगर :
भाजपचे नेते निलेश राणे आणि पवार कुटुंबीयांमधील ट्विटर युद्ध वेळोवेळी सुरू होत असते. आताही करार शेती आणि कृषी सुधारणा विधेयकावरून राणे यांनी नकली म्हटले होते. त्यावर राणेंच्या अभ्यासावर रोहित पवार यांनी सूचक भाष्य केले आहे.
निलेश राणे यांनी रोहित पवार यांच्या बारामती अॅग्रो कंपनीच्या पोस्टरचा एक फोटो शेअर करत रोहित पवार यांना नकली म्हटले होते. मात्र या टट्विटरचा समाचार घेताना राष्ट्रवादीचे आमदार रोहित पवार यांनी राणे यांच्यावर तोफ डागली आहे.
पवारांनी म्हटले आहे की, राणे यांनी घाईघाईने ट्विट केले असे मला वाटते. कारण मी ४ डिसेंबरला या कृषी कायद्याच्या बाबतीत काही गोष्टी लिहिल्या होत्या. करार शेती हा विषय योग्य पद्धतीने केला तर ती चांगली गोष्ट आहे. त्याला आपण विरोध करू शकत नाही. परंतु आताच्या कायद्यात काही जाचक अटी आहेत.
कायद्यामध्ये एक नियम असा आहे की समजा शेतकरी व एखाद्या कंपनीत करार झाला व त्या करारातून शेतकऱ्याला बाहेर पडायचे असेल तर त्यासाठी दोन्ही पार्टीची मान्यता असणे गरजेचे आहे, याकडे लक्ष वेधताना हीच अट शेतकऱ्यांना जाचक ठरण्याची भीती पवारांनी व्यक्त केली आहे.
अभ्यास करून विषय समजून घेण्याची गरज असते. माझ्याकडे अजिबात लपवाछपवी नसते. माझी एक पद्धत आहे. मी एखादा विषय हा अभ्यास करून मांडतो. माझी जशी पद्धत आहे, तशी त्यांची एखादी पद्धत असेल. त्यावर मी काही बोलू शकत नाही. पण त्यांनी लिहित असताना त्याचा अभ्यास करावा, असे म्हणत रोहित पवारांनी राणेंच्या अभ्यासावर प्रश्न उपस्थित केले आहेत.
संपादन : सचिन मोहन चोभे
कृषीरंग | ताज्या बातम्यांसाठी फॉलो करा www.krushirang.com
| वेबसाईट | फेसबुक पेज | जिओ न्यूज एक्स्प्रेस | गुगल न्यूज | AMP | ट्विटर | व्हाट्सऍप | टेलिग्राम | सिग्नल |
मो. 9503219649 | ईमेल : krushirang@gmail.com
- मोठी बातमी…. ‘भारत बंद’ आंदोलनात पडली फुट; ‘त्या’ संघटनेने अशी घेतली भूमिका
- तब्बल ‘एवढे’ व्यापारी देणार भारत बंदची हाक; वाचा, काय असणार सुरू आणि कशाला असेल टाळे
- महिला व बालकल्याणाकरिता ‘एवढा’ निधी ठेवण्यात येणार राखीव; पहा, कशी असणार तरतूद
- अभिनेता ऋतिक रोशन अडचणीत; ‘त्याप्रकरणी’ मुंबई क्राईम ब्रांचने धाडले समन्स
- शक्तीप्रदर्शनानंतर फुटला कोविड बॉम्ब; पोहरादेवी महंतांसह आठजण करोनाबाधित