आपलीही बाइक आहे का पॉपुलर; वर्ल्ड मॅपवरून समजून घ्या, कोणत्या देशात कोणती बाईक आहे पॉपुलर
दिल्ली :
आपल्याला आपल्या बाइकचे फार कौतुक असते, आपण नेहमीच चार-चौघात आपली बाइक उठून दिसली पाहिजे, हा विचार आपण बाइक घेतानाही करतच असतो. आता बजेट डायरेक्ट मोटारसायकल इन्शुरन्सने एक जागतिक नकाशा तयार केला आहे, ज्यात हे समजते की, कोणती बाइक कुठे प्रसिद्ध आहे.
हा नकाशा तयार करण्यासाठी Google कीवर्ड डेटा वापरला गेला. त्यानुसार त्यांनी कोणत्या देशात कोणत्या बाईकचा शोध घेतला जात आहे, कोणती बाइक प्रसिद्ध आहे, हे जाणून घेण्याचा प्रयत्न केला.
आता आपण जाणून घेवूयात, जगभरात कोणत्या बाइक कुठे प्रसिद्ध आहेत :-
उत्तर अमेरिका खंडातील बर्‍याच देशांमधील लोक हार्ले डेव्हिडसन सर्वात जास्त वापरत आहेत. तथापि, याच खंडात मेक्सिकोमध्ये सर्वाधिक होंडा आणि होंडुरासमधील कावासाकी गाडी जास्त प्रसिद्ध आहे. दक्षिण अमेरिका खंडातही होंडाचे वर्चस्व आहे.
तथापि, दक्षिण अमेरिकेच्या खंडात हार्ले डेव्हिडसन आणि यामाहा यांना देखील पसंती आहे. डुकाटी सारखी युरोपियन वाहने देखील जमैका, डोमिनिकन रिपब्लिक आणि गयाना मधील लोकांना आवडतात. रॉयल एनफील्ड ही फार पूर्वीपासून भारतातील सर्वाधिक पसंतीची मोटरसायकल आहे.
खाली जगाच्या नकाशामध्ये दर्शविलेल्या भागात चेक रिपब्लिक, स्लोवाकिया आणि लाटविया वगळता इतर देशांतील लोकांची आवड हार्ले डेव्हिडसन आहे. चेक रिपब्लिक आणि स्लोव्हाकियामध्ये कावासाकी बाइक्सला प्राधान्य दिले जाते आणि लाटवियात होंडाला पसंती दिली जाते.
इटलीमध्ये डुकाटीला सर्वाधिक पसंती आहे आणि स्पेनच्या लोकांना कावासाकी जास्त पसंत आहे. आफ्रिकन खंडाच्या निवडीमध्ये भिन्नता आहे. भारतीय बाईक देखील इथल्या लोकांची पसंती आहे.रॉयल एनफील्ड ही सौदी अरेबिया, ओमान, युएई, कतार, बहरीन आणि नायजेरियात सर्वात प्रसिद्ध आहे. इथियोपियातील गूगलवर बजाज ऑटो ही सर्वात जास्त शोधली जाणारी बाईक आहे.
संपादन : स्वप्नील पवार
कृषीरंग | ताज्या बातम्यांसाठी फॉलो करा www.krushirang.com
| वेबसाईट | फेसबुक पेज | जिओ न्यूज एक्स्प्रेस | गुगल न्यूज | AMP | ट्विटर | व्हाट्सऍप | टेलिग्राम | सिग्नल |
मो. 9503219649 |
ईमेल : krushirang@gmail.com