मुंबई :
वाढत्या महागाईमुळे तुमच्या खिशावरील भार वाढलेला असताना अजून एक मोठी बातमी आली आहे. तुमच्या खिशावर अजून भार घेण्यासाठी तयार राहा कारण आता पेट्रोल आणि डिझेलच्या दरात वाढ झाली आहे. तेल कंपन्यांनी पुन्हा एकदा पेट्रोल आणि डिझेलच्या किंमती वाढवल्या आहेत. परिणामी बहुतांश शहरांमध्ये दराच्या आकड्यानं नव्वदी ओलांडली आहे.
मुंबईत सध्या पेट्राेलचे दर ९०.३४ रुपये प्रतिलिटर तर डिझेलचेदर ८०.४७ रुपये आहेत. डिझेलचे दर ऐतिहासिक उच्चांकी पातळीवर आहेत. पेट्राेलचे दर ४ ऑक्टाेबर, २०१८च्या उच्चांकी पातळीवर आले आहेत.
आंतरराष्ट्रीय बाजारात कच्च्या तेलाच्या किंमती वाढल्यामुळे देशात इंधनाचे दरही वाढले आहेत. नोव्हेंबरमध्ये कच्च्या तेलाच्या दोन्ही मोठ्या करारांमध्ये 27 टक्क्यांची वाढ झाली आहे. कोरोना लस लवकरच आल्याची बातमी कच्च्या तेलाच्या किंमतीं वाढवणारी ठरली. राज्यात शु्क्रवारी नांदेडमध्ये सर्वाधिक ९२.६९ रुपये प्रति लिटर एवढे पेट्राेलचे दर झाले आहेत, तर अनेक शहरांमध्ये पेट्राेलचे दर ९० रुपयांपेक्षा जास्त असल्याने नागरिकांमधून नाराजी व्यक्त करण्यात येत आहे. एवढेच नाही तर येणाऱ्या काही दिवसात पुन्हा इंधनाच्या दरात वाढ होण्याची शक्यता वर्तवण्यात आली आहे
संपादन : स्वप्नील पवार
- ‘आदर्शगाव’ हिवरेबाजारचा निकाल जाहीर; ‘पद्मश्री’ पोपटराव पवारांच्या पॅनलची ‘अशी’ आहे अवस्था
- ‘बच्चो का बाजार’मध्ये इतकी आहे मुलींना किंमत; पहा पोलिसांनी नेमके काय उघडकीस आणलेय ते
- महाराष्ट्रातील ‘महत्वाच्या’ ग्रामपंचायतीचा निकाल हाती; सत्तेत असणार्‍या ‘या’ पक्षाने मारली बाजी तर दुसर्‍या पक्षाचा सुपडासाफ
- आशिया खंडातील सर्वात मोठी ग्रामपंचायत ओळख असलेल्या ‘त्या’ ठिकाणी अशी आहे परिस्थिती; थेट बारामतीकरांचे आहे लक्ष
- काँग्रेसच्या ‘या’ माजी मुख्यमंत्र्यांना धक्का; तालुक्यात भाजपने मारली बाजी, वाचा संपूर्ण महाराष्ट्रातील प्राथमिक निकाल
