दिल्ली :
आता उत्सवाचा हंगाम सुरु असून आता सोने खरेदी वाढली आहे, असे चित्र आहे. अशातच सोने-चांदीचे दर कमी- जास्त होताना दिसत आहेत. चालू आर्थिक वर्षात एप्रिल ते ऑक्टोबर या काळात सोन्याच्या आयातीमध्ये मोठी घट झाली आहे. अशातच गेल्या आठवड्यापासून घसरत असणाऱ्या सोन्याच्या दरात आज तेजी आली आहे. सोन्याच्या किमतीने 48 हजारांचा टप्पा ओलांडला आहे.
जगभरातील मौल्यवान धातूंच्या किंमतींच्या वाढीचा परिणाम भारतीय सराफा बाजारात सोन्या-चांदीच्या किंमतींवर दिसून आला. बुधवारी दिल्ली सराफा बाजारात सोन्याची किंमतीत पुन्हा एकदा 675 रुपयांची भक्कम वाढ झाली आहे. सोन्याचा किंमत प्रती दहा ग्रॅम 48,169 रुपये झाली. सोन्याच्या वाढीबरोबरच चांदीची चमकही वाढली. एकाच दिवसात चांदीची किंमत 1280 रुपयांनी वाढून चांदीचा दर 62,496 रुपये प्रति किलोवर पोहोचला.
एचडीएफसी सिक्युरिटीजचे वरिष्ठ विश्लेषक (कमोडिटी) तपन पटेल यांनी म्हटले आहे की, आंतरराष्ट्रीय बाजारात सोन्याच्या किंमतीत वाढ झाली आहे. बुधवारी, किंमत औंस $ 1,800 च्या वर राहिली. आंतरराष्ट्रीय बाजारात सोन्याचा भाव प्रति औंस 1,815 डॉलर आणि चांदी 23.80 डॉलर प्रति औंस होता.
संपादन : विनोदकुमार सूर्यवंशी
- ‘या’ ई-कॉमर्स वेबसाइटची भन्नाट ऑफर; ‘या’ 12 स्मार्टफोन्सला स्वस्तात खरेदीची संधी
- नवीन वर्षात महिंद्राचा धमाका; गाड्यांवर मिळत आहे तब्बल 2.2 लाखांचा डिस्काउंट
- हिवाळ्यात दुधात खारीक टाकून प्या; मिळवा ‘हे’ आरोग्यदायी फायदे
- मैत्री वरील हे भन्नाट जोक्स वाचून आवरणार नाही हसू; हसा चकटफू
- जगातील सर्वात महागडी बॅट आहे ‘या’ भारतीय खेळाडूकडे; किंमत वाचून व्हाल अवाक
