‘ही’ प्रेरणादायी कविता देईल जगण्याला नवे बळ… वाचा आणि शेअर करा…

ध्येय कधी सोडू नको  !!!

काम  असेल कठीण, नसत कधी अशक्य

पूर्णविराम नंतर तर ,संपत रे पूर्ण वाक्य,

नशीबाला शिव्या देत,

प्रयत्नांना मुकरु  नको

काटेरी मार्ग असेल ,पण ध्येय कधी सोडू नको !!!

 

जागोजागी मिळतील वैरी, नको त्याची भ्रांत

लक्ष्य ध्यानात ठेव,तू चाल रे निवांत ,

शत्रूना घाबरत,

मान कुठेही झुकवू नको

काटेरी मार्ग असेल ,पण  ध्येय कधी सोडू नको !!!

 

मन आहे चंचल,नाही ते स्थिर

हरत आहेस तरी,तू नको रे सोडू धीर,

अपयशाला बघून,

लक्ष कधी विसरू नको

काटेरी मार्ग असेल ,पण ध्येय कधी सोडू नको !!!

 
जन्मला आहे तर जग, नको पाहू मागे

आयुष्याचा  शेवटी बाकी फक्त आठवणींचे धागे

माणूस म्हणून जगला,

पण सामान्य माणूस  म्हणून मरू नको

काटेरी मार्ग असेल ,पण  ध्येय कधी सोडू नको  !!!

LEAVE A REPLY

Please enter your comment!
Please enter your name here