येथे कर आमुचे जुळती; वाचा ए.पी.जे अब्दुल कलम आणि फिल्ड मार्शल सॅम मानेकक्षा यांचा जबरदस्त किस्सा

जेव्हा डॉक्टर अब्दुल कलाम साहेब राष्ट्रपती होते तेव्हा त्यांनी कुन्नूरला भेट दिली होती. तेथे पोचल्यानंतर त्यांना माहिती मिळाली की, फिल्ड मार्शल सॅम मानेकक्षा हे येथील मिलिटरी हॉस्पिटल मध्ये आहेत. राष्ट्रपतींच्या त्यादिवशीच्या शासकीय अधिकृत दिनचरयेमध्ये सामाविष्ट नसतानाही डॉक्टर अब्दुल कलाम साहेबांनी सॅम यांची भेट घेण्याचे ठरवले. तशी ताबडतोब व्यवस्थाही करण्यात आली. सॅम यांच्या रुग्णालयातील बेड शेजारी कलामांनी पंधरा मिनिट बसून सॅम यांच्या प्रकृतीची विचारपूस केली.
निघताना कलामांनी त्यांना विचारले की, आपण व्यवस्थित आहात का? आपणास कशाची आवश्यकता आहे का? आपली काही तक्रार आहे का? मी आपणास काही मदत करू शकतो का? यावर सॅम म्हणाले, ‘हो महामहिम, माझी एक तक्रार आहे’. कलाम साहेबांना हे ऐकून धक्का बसला आणि त्यांनी तात्काळ विचारले, कोणती तक्रार आहे? 

सॅम म्हणाले, ‘साहेब मी उठून उभा राहू शकत नाही आणि माझ्या प्राणप्रिय देशाच्या आदरणीय राष्ट्रपतींना मी सॅल्युट करू शकत नाही हीच माझी एकमेव तक्रार आहे.’ कलामांनी भावनावेगाने त्यांचे दोन्ही  तळवे हातात घेतले आणि दोघांच्याही डोळ्यात अश्रू तरळून गेले. या भेटीच्या दरम्यान कलामांना माहिती मिळाली की सॅम यांना फिल्डमार्शल या पदाची गेल्या वीस वर्षापासून पेन्शन मिळालेली नाही. 

कलामांनी दिल्लीला पोचल्याबरोबर एका आठवड्यात त्यांची सर्व थकबाकी सह पेन्शन मंजूर केली आणि 1.25 कोटीचा चेक त्यांनी संरक्षण खात्याच्या सचिवांमार्फत विशेष विमानाने वेलिंग्टन,ऊटी येथे पाठवला. त्यावेळेस तेथे सॅम उपचार घेत होते. हे कलामांचं मोठेपण होतं. पण नंतर सॅम यांनी त्या चेकची रक्कम आर्मी रिलीफ फंडामध्ये दान केली. आपण सलाम कोणाला करायचा?” येथे कर आमुचे जुळती “.  पण आज अशा व्यक्तिमत्त्वांना आपण मुकलो आहोत हे आपलं दुर्दैव आहे.

संकलन : स्वप्नील पवार

LEAVE A REPLY

Please enter your comment!
Please enter your name here