असे बनवा ‘मिक्स डाळ अप्पे’; रेसिपी वाचा आणि ट्राय करा

नाश्त्यासाठी आपण विविध पदार्थ बनवत असतो. पोहे, शिरा, उपमा, अप्पे असे कितीतरी पदार्थ आपण नाश्त्यासाठी खात असतो. आज आम्ही थोडासा हटके पदार्थ आपल्याला सांगणार आहोत. विविध डाळींचे अप्पे कसे बनवायचे, याविषयी आज आम्ही आपल्याला सांगणार आहोत.   

साहित्य घ्या मंडळीहो…

  1. 1 वाटी चणा डाळ
  2. 1 वाटी मूग डाळ
  3. 1 वाटी तांदूळ
  4. 1/2 वाटी तूर डाळ
  5. 1/4 वाटी मसूर डाळ (ऐच्छिक)
  6. 1/4 वाटी उडद डाळ
  7. 1 कांदा
  8. 1 टोमॅटो
  9. 1 टेबलस्पून तिखट
  10. 1/2 टीस्पून हळद
  11. 1 टीस्पून मीठ
  12. 2 टेबलस्पून कोथिंबीर
  13. 1 टेबलस्पून जीर
  14. 1 लसूण
  15. 3 टेबलस्पून तेल
  16. 1 टीस्पून हिंग

हे साहित्य घेतलं असेल तर कृतीही पहा मंडळी…

  1. प्रथम सर्व डाळी एकत्रित धुवून 5-6 तास पाण्यात भिजवून ठेवा.
  2. मग स्वच्छ पाण्याने धुवून मिक्सर मधून वाटून घ्या. वाटलेल्या डाळीमध्ये कांदा, टोमॅटो, कोथिंबीर बारीक चिरून टाका. लसूण बारीक कुटून टाका. नंतर मीठ, हिंग, लाल तिखट, हळद, जीर टाका व छान एकत्रित करून घ्या.
  3. अप्पे पात्रांत थोडं तेल टाकून एक एक चमचा सारण टाका व 3-4 मिनिट झाकून ठेवा.
  4. थोड्या वेळाने दुसरी बाजू परतुन घ्या व शिजवून घ्या.
  5. गरमागरम आप्पे तय्यार आहेत. हे अप्पे चटणी सोबत किंवा असेच खायलाही छान लागतात.

संपादन : संचिता कदम

LEAVE A REPLY

Please enter your comment!
Please enter your name here