मोदी कापतायेत शेतकऱ्यांचे गळे; पहा कशावरून राहुल गांधीनी केलीय ही टीका

पावसाळी अधिवेशनात गोंधळ चालू असतानाच पंतप्रधान नरेंद्र मोदी यांच्या सरकारने कृषी सुधारणा विधेयके मंजूर करून घेतली. त्याच्याच विरोधात आता पंजाब, हरियाना आणि इतर भागातील शेतकऱ्यांनी आपला आवाज बुलंद केला आहे. तर, यावरून कॉंग्रेस नेते राहुल गांधी यांनी मोदी सरकारवर जोरदारपणे टीका केली आहे.

पंजाबमधील भवानीगड येथून समानापर्यंत ट्रॅक्टर यात्रा काढण्यात आली. राहुल गांधीदेखील सहभागी झाले होते. त्यामध्ये सहभागी झाल्यावर शेतकऱ्यांना संबोधित करताना गांधी म्हणाले की, हे सरकार गेल्या सहा वर्षांपासून गरीब, मजूर आणि शेतकऱ्यांवर एकापाठोपाठ एक आक्रमण करत आहे. यांची एकही नाही अशी नाही, की जिचा गरिबांना फायदा होईल.

मोदी केवळ ही व्यवस्था नष्ट करत आहेत. जेथे त्यांनी MSPची हमी द्यायला हवी, तेथे ते या तीन कायद्याच्या माध्यमाने शेतकरी आणि मजुरांना मारत आहेत. त्यांचा गळा कापत आहेत. नोटाबंदीनंतर जिएसटी कायदा आणला, आता तुम्ही कुण्याही एखाद्या छोट्या दुकानदाराला अथवा व्यापाऱ्याला विचारा, जीएसटीमुळे काय झाले. अद्यापही छोट्या दुकानदाराला अथवा व्यापाऱ्याला जीएसटी समजलेला नाही. हे कायदेही मंजूर कारताना एवढी घाई कशाची होती, असाही प्रश्न त्यांनी उपस्थित केला आहे.  

संपादन : सचिन पाटील

LEAVE A REPLY

Please enter your comment!
Please enter your name here