मुंबई :
पर्यावरणमंत्री आदित्य ठाकरे दुर्लक्ष करतात. आम्ही ठाकरे सरकारला पाठिंबा देऊनही ते आमचे काम ऐकत नाहीत. विशेष म्हणजे ते लोकप्रतिनिधींचाही साधा फोनही उचलत नाहीत, असे आरोप करत समाजवादी पक्षाचे नेते आ.अबू आझमी यांनी पर्यावरणमंत्री आदित्य ठाकरेंविरोधात घोषणाबाजी केली.
अधिक माहिती सांगताना आझमी यांनी सांगितले की, एसएमएस नावाच्या कंपनीमुळे प्रचंड प्रदूषण होत आहे. सदर कंपनीमुळे मानखुर्द शिवाजीनगर भागातील प्रदूषणाची समस्या वाढत आहे. या प्रदूषणामुळे तब्बल १२ लाख लोकांच्या जीवाला धोका आहे. त्यामुळे ही कंपनी बंद करा, अशी मागणी आझमी यांनी केली. या मागणीचे फलक दाखवत आझमी यांनी आदित्य यांच्याविरोधात घोषणाही दिल्या.
मंत्रीपद मिळाल्यापासून आदित्य ठाकरे अशा प्रकारच्या आंदोलनाला कदाचित पहिल्यांदाच सामोरे जात असावेत. आता यावर आदित्य ठाकरे नेमकी प्रतिक्रिया देतात, याकडे सर्वांचे लक्ष लागलेले आहे. दरम्यान घोषणाबाजी करताना आझमी यांच्यासह नगरसेवक अख्तर कुरेशी, नगरसेविका रुकसाना सिद्धिकी, आयशा रफिक शेख, सायरा फहाद आझमी, इरफान खान आदी उपस्थित होते.
संपादन : स्वप्नील पवार
- ‘चिकन साते’ हा मलेशियाची अप्रतिम पदार्थ नक्कीच खा; रेसिपी वाचा एका क्लिकवर
- वाटणा 160 तर, तूर डाळ 105 रुपये किलो; पहा मुंबई मार्केटचे बाजारभाव
- दिवाळीत ‘या’ अ‍ॅपवरून अवघ्या 1 रुपयांत खरेदी करू शकता सोनं; वाचा, काय आहे विषय
- ऑनलाईन फिशिंगला नका पडू बळी; वाचा खरेदी करण्यासाठी महत्वाच्या ट्रिक्स
- पुणे मार्केट अपडेट : टॉमेटो 20, तर वांगी 70 रुपये किलो; पहा सर्व पिकांचे बाजारभाव
