मुंबई :
सुरक्षेचा मुद्दा पुढे आणत भारत सरकारने सुरुवातीला ५९ आणि दुसऱ्या टप्प्यात ११८ चिनी अ‍ॅप्सवर बंदी घातली होती. अद्यापही भारत-चीन तणाव निवळला नसल्याने त्या अ‍ॅप्सवरील बंदी कायम आहे. मात्र आता एक धक्कादायक प्रकार समोर आला आहे. बंदी घातलेले ‘ते’ चिनी अ‍ॅप्स भारतात पुन्हा आले आहेत. या अ‍ॅप्सच्या अवतारात बदल झाल्यामुळे लाखो लोकांनी ते डाउनलोड केले आहेत.
इकॉनॉमिक टाइम्सनं दिलेल्या वृत्तानुसार Kwai नावाचं एक चीनी अ‍ॅप भारत सरकारनं बॅन केलेलं आहे. स्नॅक व्हिडीओ हे अ‍ॅप एकदम Kwai या अ‍ॅपप्रणाणे दिसत आहे आणि त्याचे कोट्यावधी डाउनलोडसही झालेले आहेत. टिकटॉकसारखेही एंगेज करणारे फीचर्सही यात दिलेले आहेत. Hago नावाच्या अ‍ॅपबाबतीतही असाच प्रकार घडल्याचे समोर आले आहे.
एका वरिष्ठ अधिकाऱ्यानं याविषयी बोलताना सांगितले की, इलेक्ट्रॉनिक्स आणि माहिती तंत्रज्ञान मंत्रालयाच्या मार्गदर्शक सूचनांनुसार कोणतंही बॅन करण्यात आलेलं चिनी अ‍ॅप नव्या रूपात उपलब्ध होऊ दिलं जाणार नाही. जर अशा पद्धतीने चीनी अ‍ॅप्स भारतात येत असतील तर आम्ही कठोर पावले उचलू.
संपादन : विनोदकुमार सूर्यवंशी
- 2 दिवसांच्या घसरणीनंतर सोन्याच्या दरात झाली ‘एवढी’ वाढ; वाचा काय आहेत ताजे दर
- म्हणून अण्णा हजारेंनी केले मोठे विधान; ‘मला मरणाची भीती नाही’
- ब्लॉग : अर्णवच्या पुढे दोन, मागे दोन.. मग सांगा किती अर्णव आहेत ते..!
- ‘त्या’ महत्वाच्या गावासाठी दोन्ही राजे पुन्हा भिडले; बघा, कोणत्या राजाला मिळाला कौल
- ‘त्या’ गावात माजी आमदार आणि पत्नीचे पॅनल होते एकमेकांविरुद्ध; ‘असा’ लागला ऐतिहासिक निकाल
