Congress: महाराष्ट्राचे (Maharashtra) नवे मुख्यमंत्री एकनाथ शिंदे (Eknath Shinde) यांनी विधानसभेतही बहुमत चाचणी पार करत आणखी एक परीक्षा पार केली आहे. सोमवारी झालेल्या फ्लोअर टेस्टमध्ये एकनाथ शिंदे यांना 164 मते मिळाली. मात्र, या काळात माजी मुख्यमंत्री अशोक चव्हाण (Ashok Chavan) यांच्यासह अनेक विरोधी आमदारांना मतदान करता आले नाही. सुमारे 11 आमदार विधानसभेत पोहोचत असताना ट्रॅफिकमध्ये अडकल्याचे सांगण्यात येत आहे.
सोमवारी झालेल्या फ्लोअर टेस्टमध्ये माजी मुख्यमंत्री अशोक चव्हाण यांच्यासह काँग्रेसचे 11 आमदार मतदान न झाल्याने पक्षाच्या काही नेत्यांनी चिंता व्यक्त केली. इतकेच नाही तर इंडियन एक्स्प्रेसमधील वृत्तानुसार, नेत्यांनी याला आपला निष्काळजीपणा म्हटले आहे. मात्र, दुसरीकडे अशोक चव्हाण यांनी आपण ट्रॅफिकमध्ये अडकल्याचे सांगितले. आम्हाला दोन-तीन मिनिटे उशीर झाला आणि गेट बंद केले, असे चव्हाण म्हणाले.
IMD: ‘या’ भागात पडणार मुसळधार पाऊस; IMD ने दिला मोठा इशारा https://t.co/Fg4JlLN0cf
— Krushirang (@krushirang) July 5, 2022
अशोक चव्हाण यांच्याशिवाय मतदान न करणाऱ्यांमध्ये प्रणती शिंदे, जितेश अंतापूरकर, विजय वड्डेटीवार, जीशान सिद्दीकी, धीरज देशमुख, कुणाल पाटील, राजू आवळे, मोहन हंबर्डे, शिरीष चौधरी आणि माधवराव जवळगावकर यांचा समावेश आहे. महाराष्ट्र काँग्रेसच्या एका ज्येष्ठ नेत्याने सांगितले की, त्यांच्या अनुपस्थितीमुळे त्यांच्यापैकी काही इतर पक्षांच्या संपर्कात असल्याची चर्चा सुरू झाली आहे. आमदारांच्या या गटाचे हे वर्तन अतिशय धक्कादायक आहे. यावरून त्यांचा निष्काळजीपणा दिसून येतो.
आपल्या ‘तिच्या’ हातांची काळजी आहे ना..? मग https://bit.ly/34DPYzN यावर क्लिक करून पीजन चॉपर पहा अन आवडला तर भेट द्या किंवा खरेदी करा
मात्र, एआयसीसीचे महाराष्ट्राचे प्रभारी सचिव एच के पाटील यांनी सांगितले की, आठ आमदार उशिरा आले आणि लॉबीत थांबले. पाऊस आणि ट्रॅफिकमध्ये ते अडकले असावेत. कधी कधी असे घडते. त्याच वेळी, काँग्रेसच्या आणखी एका ज्येष्ठ नेत्याने सांगितले की, फ्लोअर टेस्ट दरम्यान योग्य तयारी केली गेली नव्हती, सदस्यांच्या उपस्थितीवर लक्ष ठेवण्यासाठी कोणीही नव्हते.
वांद्रेचे आमदार सिद्दीकी म्हणाले की, आधी वाद होईल आणि मग मतदान होईल, असे आम्हाला वाटले होते पण आधी मतदान सुरू झाले. कोणतीही बैठक झाली नाही आणि आम्हाला सकाळी 11 वाजता पोहोचण्यास सांगण्यात आले. मी पण ट्रॅफिकमुळे उशिरा पोहोचलो आणि आम्ही लॉबीत होतो. आम्हाला आत येण्याची परवानगी देण्यासाठी आम्ही स्पीकरला नोट पाठवली पण प्रतिसाद मिळाला नाही. याशिवाय प्रणती शिंदे यांनीही मतदान केले नाही. प्रणती ही सुशील शिंदे यांची मुलगी आहे.
Railway: रेल्वे प्रवाशांसाठी सर्वात मोठी बातमी, IRCTC ने तिकीट बुकिंगचे नियम बदलले; जाणुन घ्या डिटेल्स https://t.co/lNx2wAQ39G
— Krushirang (@krushirang) July 5, 2022
एकनाथ शिंदे यांना बहुमत सिद्ध करण्यासाठी 144 आमदारांच्या मतांची गरज होती. यापूर्वी आवाजी मतदानाने फ्लोअर टेस्ट होणार होती, मात्र विरोधकांच्या गदारोळामुळे ती होऊ शकली नाही. यानंतर विधानसभा अध्यक्षांनी मतमोजणी करून मतदान घेतले. यामध्ये विधानसभेतील प्रत्येक सदस्याला विचारण्यात आले की ते कोणासोबत आहेत? या मतदानात 164 आमदारांनी एकनाथ शिंदे यांच्या बाजूने मतदान केले. विरोधात फक्त 99 मते पडली.
