मुंबई: एका कॅलेंडर वर्षात सर्वाधिक धावा करणाऱ्या फलंदाजांच्या यादीत सूर्यकुमार यादव दुसऱ्या स्थानावर आहे. त्याने आतापर्यंत 30 डावात एकूण 1151 धावा केल्या आहेत. पाकिस्तानचा सलामीवीर मोहम्मद रिझवानच्या विश्वविक्रमाशी बरोबरी करण्यासाठी सूर्यकुमारला १७५ धावांची गरज आहे. या वर्षी सूर्यकुमार यादवसाठी मोहम्मद रिझवानचा विश्वविक्रम मोडणे सोपे जाणार नाही कारण भारतीय संघाला २०२२ मध्ये फक्त एकच टी२० सामना खेळायचा आहे. हा सामना न्यूझीलंडविरुद्धच्या मालिकेतील तिसरा टी-२० सामना असेल.
यानंतर टीम इंडिया यावर्षी एकूण 6 वनडे आणि दोन कसोटी सामने खेळणार आहे. रिझवाच्या विश्वविक्रमापर्यंत पोहोचण्यासाठी, सूर्यकुमारला ख्रिस गेलप्रमाणे १७५ धावांची धडाकेबाज खेळी खेळावी लागेल, जी त्याने २३ एप्रिल २०१३ रोजी आयपीएलमध्ये रॉयल चॅलेंजर्स बंगलोरसाठी सनरायझर्स हैदराबाद (RCB vs SRH) विरुद्ध खेळली होती.
मोहम्मद रिझवानने 2021 मध्ये विश्वविक्रम केला होता. त्याने एका कॅलेंडर वर्षात सर्वाधिक 1326 धावा केल्या होत्या, जे अद्याप अखंड आहे. जर सूर्यकुमार हा विक्रम मोडू शकला नाही तर रिझवान यंदाही पहिल्या क्रमांकावर राहील. सूर्यकुमार यादवने 2022 साली T20 क्रिकेटमध्ये 188.37 च्या स्ट्राइक रेटने धावा केल्या आहेत. सूर्यकुमारने या कालावधीत 2 शतके आणि 9 अर्धशतके झळकावली आहेत. या वर्षात त्याच्या नावावर 105 चौकार आणि 67 षटकार आहेत.
सूर्यकुमार यादवने कॅलेंडर वर्षात T20 आंतरराष्ट्रीय क्रिकेटमध्ये सर्वाधिक सामनावीर पुरस्कार जिंकण्याच्या बाबतीत विराट कोहलीला मागे टाकले आहे. न्यूझीलंडविरुद्धच्या दुसऱ्या T20 मधील शतकासाठी त्याला सामनावीर म्हणून गौरवण्यात आले, हा त्याचा या वर्षातील सातवा पुरस्कार आहे. यापूर्वी 2016 मध्ये विराट सहा वेळा हा पुरस्कार जिंकण्यात यशस्वी ठरला होता.
T20 आंतरराष्ट्रीय क्रिकेटमध्ये एका वर्षात 1000 किंवा त्याहून अधिक धावा करणारा सूर्यकुमार यादव हा पहिला भारतीय आहे. याशिवाय एका कॅलेंडर वर्षात सर्वाधिक षटकार मारण्याचा विक्रमही सूर्यकुमारच्या नावावर आहे. रोहित शर्मानंतर एका वर्षात टी-२० आंतरराष्ट्रीय क्रिकेटमध्ये दोन शतके करणारा सूर्यकुमार यादव हा पहिला भारतीय आहे. याआधी 2018 साली रोहितने T20 क्रिकेटमध्ये दोन शतके झळकावली होती. सूर्यकुमारने यापूर्वी नॉटिंगहॅममध्ये इंग्लंडविरुद्ध शतक झळकावले होते.
- हेही वाचा:
- अर्र.. न्यूझीलंडचा ‘हा’ खेळाडू तिसऱ्या टी 20 सामन्यासाठी मुकणार; पहा कोण आहे हा खेळाडू आणि काय आहे यामागचे कारण
- भारत आणि न्यूझीलंड यांच्यातील तिसरा T20 सामना होणार नेपियरमध्ये; जाणून घ्या सामना कुठे आणि केव्हा पाहायचा ते
