मुंबई: बांग्लादेशचा कर्णधार लिटन दासने 3 सामन्यांच्या मालिकेतील पहिल्या एकदिवसीय सामन्यात (IND vs BAN) नाणेफेक जिंकून भारताला प्रथम फलंदाजीसाठी आमंत्रित केले होते. भारत आणि बांग्लादेश यांच्यातील हा सामना शेर-ए-बांगला नॅशनल स्टेडियमवर खेळला गेला. भारतीय संघाची सुरुवात चांगली झाली नाही. शिखर धवन, रोहित शर्मा आणि विराट कोहलीसारखे दिग्गज फ्लॉप ठरले. त्याचवेळी, केएल राहुलने विकेट पडण्याच्या दरम्यान महत्त्वपूर्ण खेळी केली. बांग्लादेशकडून शाकिब अल हसनने शानदार गोलंदाजी केली. त्याने भारताच्या पाच फलंदाजांना पॅव्हेलियनचा रस्ता दाखवला.
बांगलादेशने पहिल्या एकदिवसीय सामन्यात भारताचा पराभव करत ३ सामन्यांच्या मालिकेत १-० अशी आघाडी घेतली आहे. रोहित शर्मा, विराट कोहली, केएल राहुल यांनी सजलेल्या भारतीय संघाला त्यांच्या मोहिमेची विजयी सुरुवात करता आली नाही. खरं तर, टी-20 वर्ल्ड कपनंतर तिन्ही स्टार्सना न्यूझीलंड दौऱ्यातून विश्रांती देण्यात आली होती. या तिघांनीही बांगलादेश दौऱ्यावर पुनरागमन केले. मात्र राहुलशिवाय एकाही फलंदाजाला धाव घेता आले नाही आणि पहिल्याच सामन्यात भारताला लाजिरवाण्या पराभवाला सामोरे जावे लागले. एकेकाळी भारताने सामन्यात पुनरागमन केले असले तरी त्याच्या चुकांमुळे मात्र तो हा सामना हरला आहे.
प्रथम फलंदाजी करताना बांगलादेशी आक्रमणासमोर भारताला पूर्ण 50 षटकेही खेळता आली नाहीत आणि संपूर्ण संघ 41.2 षटकांत 186 धावांत गारद झाला. शकीब अल हसनने 5 विकेट घेतल्या. प्रत्युत्तरात बांगलादेशी संघाने 24 चेंडूतच लक्ष्य गाठले.
भारताच्या पराभवाचे सर्वात मोठे कारण म्हणजे भारताची खराब फलंदाजी. राहुलशिवाय एकाही फलंदाजाला चालता आले नाही. शिखर धवन 7, रोहित शर्मा 27 आणि कोहली केवळ 9 धावा करू शकले. खराब फलंदाजीमुळे भारताला पूर्ण षटकेही खेळता आली नाहीत.
भारताच्या पराभवाचे कारण भारताच्या चेहऱ्यावरून विजय हिसकावून घेणारा मेहदी हसन मिराज होता. मिराज 38 धावांवर नाबाद राहिला. भारताला एकवेळ जिंकण्यासाठी विकेटची गरज होती, पण मिराजने शेवटपर्यंत उभे राहून बांगलादेशला विजय मिळवून दिला. भारतीय गोलंदाजांना मिराज किंवा रहमानची जोडी फोडता आली नाही. दोघांमध्ये 51 धावांची अखंड भागीदारी झाली.
मिरपूरमध्ये मेहदी हसन मिराजने लढाऊ खेळी खेळून भारतीयांच्या आशेवर पाणी फेरले. त्याने शेवटच्या विकेटसाठी मुस्तफिझूर रहमानसोबत शानदार भागीदारी करत बांगलादेशला एका विकेटने शानदार विजय मिळवून दिला. लक्ष्याचा पाठलाग करताना त्याने संघासाठी 39 चेंडूत 38 धावांची नाबाद लढत खेळली. यादरम्यान त्याच्या बॅटमधून चार चौकार आणि दोन षटकार निघाले. त्याचवेळी शेवटचा विकेट म्हणून फलंदाजीला आलेल्या मुस्तफिझूर रहमानने 11 चेंडूंत दोन चौकारांच्या मदतीने नाबाद 10 धावांचे योगदान दिले.
- हेही वाचा:
- भारत विरुद्ध बांग्लादेश सामन्यात भारतीय संघ 7 वर्षे जुना हिशोब चुकता करण्यासाठी उतरेल, जाणून घ्या याविषयी सविस्तर वृत्त
- विराट कोहलीने बांग्लादेशविरुद्धच्या एकदिवसीय सामन्यात मोठी खेळी केल्यास, या माजी दिग्गज खेळाडूच्या विक्रमाला मागे टाकू शकतो, जाणून घ्या सविस्तर
