फाडा अहवाल : इलेक्ट्रिक वाहनांची (ई-वाहने) एकूण विक्री ऑक्टोबरमध्ये वार्षिक 185 टक्क्यांनी वाढून 111971 युनिट झाली आहे. गेल्या वर्षी ऑक्टोबरमध्ये देशात एकूण 39329 ई-वाहनांची विक्री झाली होती. फेडरेशन ऑफ ऑटोमोबाईल डीलर्स असोसिएशन (FADA) ने बुधवारी जाहीर केलेल्या आकडेवारीनुसार, या वर्षी ऑक्टोबरमध्ये 3745 इलेक्ट्रिक प्रवासी वाहनांची विक्री झाली. हा आकडा ऑक्टोबर 2021 मध्ये विकल्या गेलेल्या 1346 ई-पॅसेंजर वाहनांपेक्षा 178% जास्त आहे. एफएडीएने म्हटले आहे की, ताज्या आकडेवारीवरून असे दिसून येते की लोकांमध्ये ई-वाहनांची मागणी वाढत आहे.
- UK court : ‘तो’ खूप पळाला, पण शिक्षा भोगायला मायदेशात परत यावंच लागलं; ब्रिटिश कोर्टाचा निर्णय
- Share Market News : ‘हे’ सेक्टर वगळता, इतर सर्वच निर्देशांक संपले लाल रंगात : सेन्सेक्स १५१.६a० अंकांनी घसरला
- FMCG Company Q2 Result : ‘या’ कंपनीचा बाजारातील हिस्सा १५ वर्षांच्या उच्चांकावर : निव्वळ नफा २८% वाढून रु. ४९० कोटी
- भारत फोर्ज : क्या बात… “या” कंपनीला मिळाली १५५ दशलक्ष डॉलर किमतीची तोफखाना निर्यात ऑर्डर
आकडेवारीनुसार, मजबूत मागणीच्या पार्श्वभूमीवर ई-टू-व्हीलरच्या मागणीत सर्वात वेगवान वाढ झाली आहे. ऑक्टोबरमध्ये एकूण 73169 ई-टू-व्हीलरची विक्री झाली. हा आकडा गेल्या वर्षी ऑक्टोबरमध्ये विकल्या गेलेल्या 19,826 ई-टू-व्हीलरच्या तुलनेत 269.06 टक्क्यांनी जास्त आहे.
इलेक्ट्रिक व्यावसायिक वाहनांच्या विक्रीतही १२५.६४ टक्क्यांनी वाढ झाली आहे. या कालावधीत एकूण 274 ई-व्यावसायिक वाहनांची विक्री झाली. ई-थ्री व्हीलरची विक्री वार्षिक 92.87% वाढून 34,793 युनिट्सवर पोहोचली आहे. सणासुदीच्या काळात इतर वाहनांप्रमाणेच तीनचाकी वाहनांमध्येही वाढ झाल्याचे डीलर्स असोसिएशनने सांगितले.
