मुंबई: भारतीय क्रिकेट संघाला बुधवारी बांगलादेशविरुद्ध तीन एकदिवसीय सामन्यांच्या मालिकेतील दुसरा सामना खेळायचा आहे. रविवारी खेळल्या गेलेल्या पहिल्या सामन्यात यजमान संघाने टीम इंडियाचा 1 गडी राखून पराभव करत मालिकेत बाजी मारली. रोहित शर्मा आणि राहुल द्रविड या जोडीला या करा किंवा मरोच्या सामन्यात कोणत्याही किंमतीवर विजय मिळवायचा आहे. टीम इंडियाने दुसऱ्या एकदिवसीय सामन्यापूर्वी भरपूर सराव केला असून गोलंदाजीवर अधिक भर देण्यात आला होता.
मिरपूर वनडेमध्ये बांगलादेशविरुद्धच्या खराब गोलंदाजीमुळे भारतीय संघाचा पराभव झाला. सामन्यात गोलंदाजांनी संघाला विजयी स्थितीत आणल्यानंतर अखेरच्या क्षणी दडपण निर्माण करण्यात अपयश आले.
पहिल्या वनडेमध्ये टीम इंडियाचा युवा वेगवान गोलंदाज कुलदीप सेनला पदार्पणाची संधी मिळाली. आता त्याच्यासोबत गेल्या दौऱ्यात न्यूझीलंडविरुद्ध एकदिवसीय क्रिकेटमध्ये पदार्पण करणाऱ्या आणखी एका वेगवान गोलंदाजाला संधी दिली जाण्याची शक्यता आहे.
टीम इंडियाच्या सरावात वेगावान गोलंदाजीची कमाल
बीसीसीआयने दोन दुसऱ्या एकदिवसीय सामन्यांपूर्वीची छायाचित्रे शेअर केली आहेत, ज्यामध्ये गोलंदाज नेटवर घाम गाळताना दिसत आहेत. गोलंदाजी प्रशिक्षक कुलदीपशी नेटमध्ये बोलताना दिसला आणि त्याला काही महत्त्वाच्या टिप्स दिल्या. नव्या सनसनाटी म्हणून उदयास आलेल्या उमरान मलिकने गोलंदाजीचाही जोरदार सराव केला. हे दोन्ही गोलंदाज 145 किमी प्रतितास वेगाने गोलंदाजी करतात. उमरानला 153 किमी प्रतितास वेगाने गोलंदाजी केली आहे. बांगलादेश संघावर वेगाने आक्रमण करण्याचा टीम इंडियाचा इरादा दिसत आहे.
- हेही वाचा:
- ऋषभ पंत ‘या’ कारणामुळे बांग्लादेशविरुद्धच्या मालिकेतून बाहेर; का घेतला BCCI ने हा निर्णय जाणून घ्या सविस्तर या वृत्ताद्वारे
- भारताने सामना गोलंदाजीने नव्हे तर क्षेत्ररक्षणाने गमावला; ‘या’ खेळाडूनेही ओढले भारतीय संघावर ताशेरे
