मुंबई: विजय हजारे करंडक स्पर्धेच्या उपांत्यपूर्व सामन्यात ऋतुराज गायकवाडने इतिहास रचला. महाराष्ट्राचे कर्णधार असताना गायकवाडने उत्तर प्रदेशविरुद्ध नाबाद 220 धावांची खेळी केली. यादरम्यान त्याने 159 चेंडूत 10 चौकार आणि 16 षटकार ठोकले. यासोबतच गायकवाडने क्रिकेट इतिहासातील 5 मोठे विक्रमही मोडले आहेत. लिस्ट ए क्रिकेटमध्ये एकाच डावात सर्वाधिक षटकार मारणारा तो संयुक्तपणे पहिला भारतीय फलंदाज ठरला आहे. रोहितने एका डावात 16 षटकारही मारले आहेत.
गायकवाडने 49व्या षटकात शिवा सिंगच्या चेंडूवर 7 षटकार ठोकले. क्रिकेटच्या इतिहासात एका षटकात फलंदाजाने 7 षटकार मारण्याची ही पहिलीच वेळ आहे. मर्यादित षटकांच्या क्रिकेटमध्ये एकाच षटकात सर्वाधिक 43 धावा करणारा गायकवाड हा पहिला फलंदाज ठरला आहे.
गायकवाड एका षटकात सर्वाधिक षटकार मारणारा फलंदाज ठरला आहे. सोबर्स, रवी शास्त्री, हर्शल गिब्स, युवराज सिंग, किरॉन पोलार्ड, थिसारा परेरा, रॉस व्हाइटली, जझाई यांनी वेगवेगळ्या फॉरमॅटमध्ये एका ओव्हरमध्ये सलग 6 षटकार ठोकले आहेत, पण गायकवाड त्यांच्यापेक्षा पुढे आहे. त्याने सलग 7 षटकार ठोकले.
विजय हजारे ट्रॉफीमध्ये द्विशतक झळकावणारा गायकवाड पहिला फलंदाज ठरला आहे. त्याने गेल्या वर्षी उपांत्यपूर्व फेरीत केरळविरुद्ध १९२ धावा करणाऱ्या कर्नाटकच्या आर समर्थला मागे टाकले आहे.
- हेही वाचा:
- Indian Cricket Team: अर्र…’हे’ खेळाडू झाले निराश; जाणून घ्या काय आहे या निराशेचे कारण
- ICC T20 World Cup 2022: ICC ने टी 20 विश्वचषक २०२२ मधील सर्वोत्तम संघ केला जाहीर; ‘या’ भारतीय खेळाडूंचाही यात समावेश
